Poetry for Imam e zamana ajtf

امام زمانہ عج کے لیے اشعار

ہم کو دیکھ رہا ہے وہ جس نے آنا ہے

عمل بغیر فقط العجل  ترانہ ہے

 نفاق چھپ نہیں سکتا مگر چھپانا ہے 

اے منتظَر یوں ترا منتظِر زمانہ ہے 

علم سجا کے گھروں پر یہی جتانا ہے

بڑا عظیم عزادار یہ گھرانہ ہے

ابھی نہ آنا میرے گھر میں دن ہیں  شادی کے

ابھی نہ آنا میرے گھر میں ناچ گانا ہے

ابھی نہ آنا کے مخلوط محفلوں کاہے دور

جہاں ہے مردوں کا خانہ وہیں زنانہ ہے

ابھی نہ آنا کہ ذکر حسین کرکرکے

ابھی تو ہم نے بہت مال بھی کمانا ہے

ابھی نہ آنا کہ مشہور تھوڑا ہوجاٶں

ابھی نہ آنا ابھی نام بھی بنانا ہے

ابھی نہ آنا نگاہوں پہ اختیار نہیں

ابھی نہ آنا بہت بے حیا زمانہ ہے

ابھی نہ آنا کے آکر کہاں رہیں گے حضور

ابھی لڑاٸی کی زد پر میرا ٹھکانا ہے

ابھی نہ آنا کے جھگڑے ہیں منبروں پہ یہاں

ہمیں بھی مولوی مطلب کا ہی بٹھانا ہے

ابھی نہ آنا محافل بھی اور مجالس بھی

تعلقات بنانے کا اک بہانہ ہے

سماجی ربط کی دیوار پر بھی لکھ کے جناب

عریضہ بھیج دیا ہے جواب آنا ہے

ہمیں تو حکم اذاں ہے کہ ہم تو شاعر ہیں

ہمارا کام فقط آئینہ دکھانا ہے

کہ تم بھی اپنا گریبان جھانک لو اختر

امامِ عصر کو تم نے بھی منہ دکھانا ہے.